सतर्कतापूर्वक ईद पर्व मनाउने सम्बन्धी सूचना
सतर्कतापूर्वक ईद पर्व मनाउने सम्बन्धी सूचना
सूचना प्रकाशित मिति :२०७८-०१-२९
नयाँ भेरियन्ट सहितको दोस्रो लहरको कोभिड-१९ महामारी विश्वभर फैलिरहेको र हामी पनि यसबाट अछुतो नरहेको सबैमा विदित नै छ । यसै सन्दर्भमा स्वावस्थ्य सुरक्षा मापदण्ड र सतर्कता अपनाई यसको रोकथाम र नियन्त्रणमा सबै जुट्नुपर्ने अवस्थालाई मध्यनजर गरी अन्य जिल्लामा जस्तै यस जिल्लामा पनि निषेधाज्ञा जारी रहेको छ । यसै बीच मिति २०७८-०१-३० गते तदनुसार 13-May-2021 का दिन मुस्लिम धर्मावलम्बीहरुको पवित्र पर्व ईद पर्न गएकोमा विद्यमान महामारीलाई ध्यानमा राखी सो दिन मस्जिद, बजार र अन्यत्र कहि पनि सरोकार स्थानमा भीड भेला जम्मा नभई स्वास्थ्य सुरक्षा मापदण्डको पूर्ण पालना गरी गराई आ-आफ्नो घरमा बसी सजगता र सतर्कतापूर्वक ईद मनाई जारी कोभिड-१९ महामारी रोकथाम र नियन्त्रणमा सहयोग गर्न र सुरक्षित रहन जिल्ला कोभिड-१९ संकट व्यवस्थापन केन्द्र (DCCMC) को मिति २०७८-०१-२९ गतेको निर्णयानुसार सम्बन्धित सबैमा सूचित गरिन्छ । यस विपरित भए गरेको पाईएमा संक्रामक रोग ऐन, २०२०, स्थानीय प्रशासन ऐन, २०२८ लगायत प्रचलित नेपाल कानून बमोजिम कारवाही हुने समेत यसै सूचना मार्फत जानकारी गराईन्छ ।
|
ध्रुव गिरी सहायक प्रमुख जिल्ला अधिकारी |
| फाईलको नाम / शिर्षक | फाईलको साइज | एक्सन |
|---|---|---|
| ईद_पर्व_मनाउने_सम्बन्धी_सूचना.PDF | 306.76 KB |