जिल्ला कोभिड-१९ संकट व्यवस्थापन केन्द्र (DCMC) को मिति २०७८-०९-२५ गतेको निर्णय
2078-09-25
2078-09-25
कोभिड-१९ संकट व्यवस्थापन सम्बन्धी सर्वदलीय सर्वपक्षीय बैठकको
मिति २०७८-०९-२५ गतेको निर्णय
- नेपाल सरकारद्वारा संचलित खोप अभियानलाई सबै स्थानीय तहहरुले प्रचार प्रसार गरी सफल पार्ने । सबै सरकारी, गैर सरकारी संघ संस्थाले यसमा सहयोग पुर्याउने ।
- जिल्ला स्थित सबै स्थानीय तहले Covid Health Desk स्थापना गरी Covid-19 को परिक्षण गर्ने, खोप लगाउन सबैमा सचेतनामूलक जानकारी तथा प्रचार प्रसार गर्ने र आवश्यकता अनुसार क्वारेन्टाईन/आईसोलेसन सेन्टरहरु स्थापना गरी संचालनमा ल्याउने ।
- अक्सिजनको अभाव हुन नदिन तथा अक्सिजनको प्रभावकारी वितरण गर्नको लागि समयमै ग्यास पलान्टहरुको मर्मत संभार, सिलिण्डर संकलन, उत्पादन र वितरणलाई व्यवस्थिति गर्न जिल्लास्थित सबै अक्सिजन पलान्ट उद्योगहरुलाई अनुरोध गर्ने । साथै HEOC को च.नं. ४६१, मिति २०७८-०९-१९ को पत्रानुसार कोभिड-१९ दोस्रो लहरको बेला प्रयोगमा आएका अक्सिजन उद्योगहरुका अक्सिजन सिलिण्डरहरुलाई सम्बन्धित अक्सिजन उद्योगहरुलाई नै हस्तान्तरण गर्ने गराउने निर्णय गरियो ।
- सबै स्थानीय तहले कोरोना संक्रमित बिरामी बोक्ने १/१ वटा एम्बुलेन्स तमत्यारी अवस्थामा राख्ने र जिल्ला प्रहरी कार्यालयको ब्यवस्थापनमा-२ ओटा कोरोना संक्रमित बिरामी बोक्ने एम्बुलेन्सको व्यवस्था गर्ने ।
- बीरगंजको ईनर्वा नाकामा स्थापित Health Desk लाई थप सुविधा सम्पन्न र ब्यवस्थित बनाउने, चेकजाँच प्रकृयालाई कडाई गर्ने । Health Desk संचालनलाई प्रभावकारी एवं व्यवस्थित बनाउन बीरगंज उद्योग वाणिज्य संघ र अन्य संघ संस्थाले खाना, खानेपानी, शौचालय लगायत अन्य Logistics को व्यवस्था गर्ने, स्वास्थ्य कार्यालय र बीरगंज महानगरपालिकाले समन्वय गरी पर्याप्त मात्रामा स्वास्थ्यकर्मी परिचालन र सुरक्षा निकायहरुले आवश्यक सुरक्षा व्यवस्था मिलाई सिमा नाकामा चेक जाँच कार्यलाई कडाई गर्ने ।
- ईनर्वा नाका बाहेक पर्सा जिल्लाको अन्य नाकामा समेत स्थापित Health Desk लाई सम्बन्धित स्थानीय तहले सशस्त्र प्रहरी बलसँग समन्वय गरी तत्काल संचालन गर्ने ।
- "NO MASK NO SERVICE DELIVERY" "मास्क बिना सेवा प्रवाह बन्द" अभियानलाई जिल्ला स्थिति सबै सरकारी, गैर सरकारी, बैंक तथा वित्तीय संघ संस्थाले प्रभावकारी रुपमा लागु गर्ने । साथै एक हप्तासम्म मास्क लगाउन सचेतनामूलक सूचना प्रवाह गरी सबैमा अनुरोध गर्ने र सो पछि अवज्ञा गरेमा जरिवाना गर्ने/गराउने निर्णय गरियो ।
- कोभिड-१९ को तेस्रो लहरबाट बच्न/बचाउन सबै स्थानीय तहले कोरोना लक्षित योजना बनाई आवश्यक पर्ने PPE सेट, मास्क, सेनिटाईजर खरिद गर्नुका साथै सोको पूर्व तयारी तथा प्रतिकार्य बारे DCMC लाई दिने ।
- स्वास्थ्यकर्मी थप सम्बन्धमा स्वास्थ्य तथा जनसङ्ख्या मन्त्रालयल, प्रदेश नं २ को सामाजिक विकास मन्त्रालयमा अनुरोध गर्ने । यसमा सबै स्थानीय तहहरुले सक्दो सहयोग गर्ने ।
- Covid Dedicated अस्पताल छनौट तथा संचालन सम्बन्धमा नीजि क्षेत्रका अस्पतालहरुका संचालकहरुसँग बैठक बसी आवश्यक निर्णय गर्ने ।
- पर्सा जिल्ला भरिको लागि कोभिड-१९ संक्रमित विरामीहरुको उपचारमा समन्वय र सहजीकरण गर्न Central Health Desk स्थापना गर्ने, सो बारे थप अवधारणा तयार पारि स्वास्थ्य कार्यालय, पर्साले DCMC को अर्को बैठकमा पेश गर्ने निर्णय गरियो ।
| फाईलको नाम / शिर्षक | फाईलको साइज | एक्सन |
|---|---|---|
| DCMC_को_मिति_२०७८_०९_२५.PDF | 517.21 KB |